兩屆足球先生山度士在晨曦結束球員生涯後轉任助教，2008/09球季接替古廉權任主教練，在領軍奪聯賽盃後從此絕迹職業足球，專注運作車路士足球學校，他解釋在港教職業難有太多自主權，既已好頭好尾，就寧花多點時間在足校上，希望與陳發枝及張志德等前港隊隊友，合作培育下一代。
山度士17歲出道，掛靴後首任教練即捧盃，更榮膺最佳教練，這位世紀球星笑言好頭好尾，加上自己性格較固執，故完成該季後，就自覺是時候集中在足校上：「當年贏到聯賽盃，其實功勞係落場班球員而唔係教練，喺晨曦掛靴，又幫到球隊贏冠軍，嗰季仲當選最佳教練，基本上都贏晒，如要向職業教練發展就要繼續考牌，自己唔太鍾意入班房，所以同拍檔搞足校，目標係令小朋友學到正統技術，亦可幫到一班前球員，真係開心。」
他指出香港職業球員退役後沒太多出路，也沒保障，營運足校有能力聘請不少曾出生入死的戰友。港車目前聘陳發枝、張志德、徐國安、羅偉志、羅繼華及岑國培等前港腳任全職教練。
山度士說：「香港球員掛靴後真係冇保障，有揸的士、開酒吧、三行，甚至搭棚，呢度可以等佢哋從事鍾意嘅教練工作，當然都要用心做啦，只要佢哋有能力就可以一直教。」