【本報訊】「希望離開咗嘅手足可以繼續保佑我哋……亦希望佢哋識搵一啲害佢哋嘅人，畀返啲適當嘅報應佢哋。」前日8.31恐襲一周年，晚上有人在尖沙嘴梳士巴利道太空館外燒街衣悼念。其間30名警員如臨大敵到來截查巿民，更態度惡劣出言挑釁「係唔係收咗錢」，最後向五人發出限聚令及相關公共衞生條例的告票。
前晚9時，五名途經太空館外參與燒街衣的市民被警員截查，擾攘近一個半小時後，警員以他們違反限聚令及《定額罰款（公眾地方潔淨及阻礙）條例》，向他們發出分別罰款2,000元及1,500元的告票。
被截查的包括阿佬，他稱深信8.31有人在太子站內死亡，前晚經過太空館對開，見到有人在場燒街衣便加入幫手燒衣悼念。20分鐘後，部份人先行離開，他和另外四人因見到還有很多衣包尚未燒完，遂「幫手繼續燒埋佢」。
未幾30名警察到場指他們縱火，並違反限聚令進行截查。阿佬表示，警員截查期間態度惡劣，並曾出言挑釁，「問我哋係唔係收咗錢，出嚟做呢啲嘢有冇腦」，最終他們五人被警員票控。阿佬認為「黎明之前特別黑暗」，寄語同路人「大家唔好縮，要繼續行出嚟」，並感染其他仍然猶豫不決的人。