無綫藝人買少見少，據知范振鋒今日也跟無綫完約，結束近十年賓主關係。無綫近年為慳皮要續約藝人簽一騷，這待遇很難令人接受，阿范也決定離開。事實上今年1月3日播出阿范主持的《兄弟幫》第2505集後便停播，之後未有再開新節目給他，加上「一騷制」，外闖搏殺絕對是出路。
阿范昨日接受《蘋果》訪問時說：「我會繼續喺新城開咪，遲啲仲會多啲digital嘢，都有其他電視台搵我合作，手頭又會做兩部電影監製，都好感恩。」問到會偏重幕前還是幕後發展？他說：「幕後都做咗好耐，幕前有適合的都做。」阿范老婆李思欣早於2014年5月已嫌人工奀離無綫，她昨日在電話中回應：「心靈同行動上都支持佢，過去曾有其他電視台想傾我哋夫妻檔，𠵱家我哋一齊自由身可以傾返。」