【本報訊】Prenetics行政總裁楊聖武接受查詢時稱，他曾視察包裝工場及貨倉，承認工場情況「係要improve（改善）」。楊最初指貨倉及工場啟用僅一個月，開工初期較為混亂，「最先嗰陣真係冇咁多時間，所以我哋最緊要係basically make sure（基本上確保）可以幫到香港嘅communities（社會）方面先」。
他聲稱，兩至三星期前（即８月初至月中）已着手改善衞生。但記者指8月26日到工場放蛇仍發現不少問題時，楊就指有機會遇上出貨高峯期，「好多嘢好urgent（緊急）」，但承認「我知道我哋係要進步」。
記者其後就包裝工場多個衞生問題向楊查詢，他多次重複「好多嘢係好urgent」、「係一個好urgent（緊急）嘅situation（狀況）」、「嗰陣係太急，好多嘢係太急」。食環署證實，用作儲存及包裝的倉庫「在發貨量高峯的數天，曾出現有欠理想狀況」，署方已指示Prenetics須嚴格執行安全及衞生指引，署方形容現時倉庫衞生「已重大改善」，食環署及Prenetics本周會完成「有關的一次性檢測」。