自爆出「林美戀」後，林作多次出口術護裕美，更不惜寸爆反對兩人拍拖的母親。前晚他帶裕美出席港姐選美決賽，齊穿上黑色情侶裝晒幸福。與林作同場的前度麥明詩則穿上黑色露肩谷胸晚裝做「最上鏡小姐」評判，客觀條件比樸實的裕美耀眼，其後有報道形容「相比之下平平無奇的裕美」，即觸動林作及裕美神經。林作於昨日凌晨在Ig發文踩舊愛：「裕美真心靚過麥明詩好多，身材也更優勝。素顏顏值也絕對一流。絕非平平無奇，可謂波濤洶湧。今晚乃來當觀眾而已，難道要着到嚟選美咁嗎。」
麥明詩前晚谷胸現身，艷壓群芳，卻惹來整容疑雲，她昨日以短訊回覆：「𠵱家工作開心，休息更有規律，每周末都行山或者踩單車，可能氣息好啲啩，多謝大家。」對於被林作踩樣貌身材不及裕美，麥明詩說：「不會回應，因為唔想中人圈套。」
其後裕美也不甘示弱，於Ig貼出與林作同一篇報道並留言：「其實好多人問我點解咁多新聞要寫得我咁差，係咪因為我得罪好多人？我本人從來沒有得罪任何傳媒朋友，你對我好，我必定會對你好千百萬倍，當你真心朋友。」裕美更自言人善被人欺：「對我唔好嘅我只會遠離佢，並不會作出任何聲音，但我從來唔會刻意討好人，我發現有時你太好人，或者你沒有還擊，對家就會變本加厲。呢個係我咁多年嘅經驗，或者人哋覺得我身份卑微，就可以不斷踩我。但我可以話畀你哋知，身份卑微唔代表冇能力。」
昨午林作再上載一張低胸裝辣妹與行政打扮OL的合成圖，配以一段英文：「仇恨者實在太盲目，看不到比較和撐女友的區別。」然後加上「作晚兩人誰更有class，一目了然」。他再留言：「為自己女朋友撐腰，係作為男朋友最基本責任。」不過林作的護花行動，被網民圍攻寸爆他：「保護女朋友同踩前度係兩回事，冇必要無啦啦拉埋mmc嚟講，唔知你蠢定onX」、「兩個冇品的人博出位」，不過也有少數人支持他：「認同，女朋友自己保護。」
