上禮拜曼聯宣佈同23歲門將甸恩軒達臣續約5年，仲加薪至12萬鎊周薪，而最近佢都入選咗英格蘭最新一輪大軍名軍，而三獅領隊修夫基就話好支持軒達臣返曼聯。甸恩軒達臣喺錫菲聯外借咗兩個球季，上季嘅表現更相當出色，今季佢亦決定返番曼聯同西班牙門將迪基亞爭正選。修夫基就話：「我認為留隊對佢係一個好機會，當然，佢可以再外借多一個球季。但佢正喺度建立緊自己嘅職業生涯，如果曼聯要求佢留低，呢個係一個挑戰正選嘅好機會。」修夫基又話：「如果我係佢，我會留隊爭做曼聯嘅一號門將，去畀壓力迪基亞，下季曼聯有唔少出場機會，對一個球員嚟講留隊係一個合理嘅決定。」