【本報訊】連同今次，好景商業中心五年內第二度因消防系統損壞浸壞升降機，上一次更導致一名商戶行樓梯上樓猝死，當時管理公司懷疑有人故意破壞花灑系統報警，事後在防煙門及升降機門前加設防水壆，惟仍未能防止今次事件發生。
2015年，管理處發現25樓後樓梯的消防龍頭遭人故意開啟，結果四部升降機浸壞。因維修費高達187萬元，業主與管理處就價錢拉鋸，無𨋢可用。事發九日後，在21樓經營鞋業的68歲姓洪男商戶沿後樓梯行返公司時，在15樓不支昏迷梯間，送院後不治。管理公司急忙修理一部貨𨋢應急，但一直未能緝獲疑犯。
經營網購美容護膚店的租戶Kay透露，當年在25樓開舖，指租戶猝死事件後，商戶又嬲又驚，「嬲係咁耐都搞唔好部𨋢，出事先做嘢；驚係後樓梯有垃圾已經唔衞生，仲要有人猝死，事後好多女商戶寧願閂舖唔行樓梯。」
她亦不顧舊店尚有半年死約，旋即租入四樓現址，今次水浸顧客尚可步行上樓取貨，但她不滿管理公司處理手法：「好無奈，我心諗個（防水）壆都有少少阻擋作用，你（應該）收到（投訴）立即用桶裝水，但我直情無見人喺度。」
油尖旺區議員林健文表示收到多名商戶求助，指水浸導致無生意，正尋求法律意見追討賠償，惟未知責任誰屬；指較重要是所有升降機回復正常，正聯絡民政處及管理公司協調盡快解決事件。