【本報訊】壹傳媒創辦人黎智英昨日邀請知名廣告人畢明網上對談，曾於《蘋果》任職多年的畢明形容，《蘋果》是屋企，「睇住屋企俾人搞」甚是難受；黎智英直言，現時每日做《蘋果》都是冒險，但坦言從沒有想過離開，「我撐住喺度最少係對呢個地方嘅責任。」
黎智英與畢明昨出席《蘋果》網上對談節目，畢明說黎似一條鯊魚，「表面兇殘，內心卻好friendly」，當港版國安法令不少港人心生恐懼，創作空間收窄下，黎智英覺得是機會：「或者係可以逼出一啲精采作品，無論電影、media、書。」
畢明大讚現時《蘋果》廣告創意無限：「好多人用好多方法講好多說話，廣告仲好睇過新聞。」
對於《蘋果》生存問題，黎智英慨嘆近期發生的事，「你好似喺呢個地方散發一場瘟疫，個個都有機會染到，講嘢唔多唔少要小心啲」，但揚言《蘋果》一定繼續做，「做到冇得做為止，係咪有言論自由？係驚青嘅，我係腳軟緊，每日做《蘋果》都係冒險，有言論自由就唔使咁啦，香港咁快搞到咁真係諗唔到。」畢明關心黎智英有否想過離開，黎斬釘截鐵說沒有：「我撐住喺度最少係對呢個地方嘅責任，令我離開唔到。」
黎智英又大讚林卓廷日前被捕時，仍講到警察淪為政治工具是很厲害的事。畢明說會用「嚦咕嚦咕」心態面對現在時勢：「以前係獅子山精神，而家係『嚦咕嚦咕精神』，好牌爛牌都要打好副牌，唔可以推牌，唔好發脾氣，點唔好都要打好佢。」