【本報訊】港股進入業績期，恒指上周升308點或1.23%，收報25422點；科技股表現超預期，多隻龍頭股接連破頂，令科指跑贏恒指，全周升412點。證券界人士均認為，大市近年追捧科技股，繼續炒股不炒市。
資金繼續從傳統經濟股流向新經濟股，導致科指爆升，跑贏大市。豐盛金融資產管理董事黃國英認為，投資者近期均一致集中熱炒科技股份，如ATMX、舜宇（2382）等，反觀恒指「吹無定向風」，更不時出現炒股不炒市情況。
黃表示，恒指9月7日換馬，雖加入幾隻重磅科技股，但50隻成份股中仍受不少舊經濟股拖累，「恒指會冇乜人理，好似只係報畀啲門外漢聽咁，可有可無」；但他指，科指股票少、權重過大仍是其弱點，預計要數年時間才能完善機制。
耀才證券研究部副經理譚智樂認為，未來恒指或只具參考性，投資者短炒時觀察日均成交金額，或更易掌握市況，「好似上周三咁，科技股升到爆，但恒指都唔係點郁，最終只係U盤倒升5點，現在好難再用嚟做指標」。
惟譚表示長遠而言恒指仍有保留價值，「好似疫苗研發有曙光，大家對舊經濟類股份都有憧憬，只側重喺科技股都係唔得」。對於本周港股表現，譚智樂預測ATMX仍是投資熱門之選，市場氣氛或帶動科指升破7770點水平；恒指預期仍有升幅，阻力位將於250天線，即25700點水平左右。