香港新聞自由跌至谷底，除咗壹傳媒被搜查，有線新聞早前炒咗三位工程部資深主管，引嚟畸寶人反彈，超過240個現職新聞部員工實名聯署，仲有逾400位前員工喺《蘋果》同《明報》登廣告，要求管理層停止不合理人事調動，點知行動引嚟其他傳媒機構做架樑。
八方對此早有聽聞，傳聞有現職某大傳媒嘅有線前員工參與聯署後俾高層發現，被要求撤回聯署，據悉起碼涉及兩個人。
發起今次聯署同登報嘅有線電視前首席記者鄭思思仲訪問咗其中一位被炒工程部主管，文章噚日見報，主管直言令佢最悲憤嘅係有傳媒向聯署人秋後算賬，令到大家連免於恐懼簽名嘅自由都失去。