藝人在疫情下手停口停，小菌因瓣數多，勉強捱得住，帶菌者中教樂器的阿Mann及阿布則大受影響。不過，他們異口同聲表示經濟壓力是其次，思想壓迫才最難捱，小菌坦言曾想過移民，但最後為音樂留低︰「呢兩年我都諗過不如去其他地方，但離開咗要重頭嚟過，甚至唔會做返呢行。人就算離開，心唔會變，想繼續填詞，所以好難踏出離開嗰步。」
阿花坦言︰「唔好話創作，齋係生活咁多掣肘已經受唔到。」他說香港人都變了吸氣袋，隨時爆炸︰「我哋不斷吸氣，但冇位去釋放，同朋友訴苦，但大家放負後又吞返落肚。」至於阿Mann為着下一代而考慮移民︰「屋企試過連續兩個禮拜每晚都有催淚彈攻上嚟，我個小朋友好細，會好擔心下一代喺個乜環境成長、受乜教育。」樂天知命的阿布則選擇死守︰「點解係我走，唔係你走啫！我喺度出世㗎！不過將來如果有下一代，我都會諗。」他說面對疫情尚可苦中作樂，但關鍵是︰「政府唔封關最終都冇用。」