前日七夕，好多藝人都貼出另一半合照晒恩愛，不過沈殷怡就冇貼出男伴合照，但佢着住吊帶背心側卧相片，展露突出的「雙峯」也算應景。
黎諾懿同胡杏兒分別做人父母，有兒女萬事足都不顧儀容，黎諾懿為𠱁囝囝用紙袋笠頭化身「紙袋英雄」。胡杏兒就晒出一家四口合照，當中佢仲素顏亮相。
金句王黎明近日拍廣告扮煮家男表演整蛋，見佢不斷將蛋白蛋黃分開，仲表演拋鑊絕技，佢話：「整蛋係我其中一樣獨門絕技，亦係唯一一個獨門絕技。」
上山詩鈉前日56歲生日，有劉嘉玲相伴慶祝，更稱壽星女係「小野貓」，二人嘴貼嘴就位合照，當然少不了囡囡Hilary Fan及阿女嘅好友竇靖童。
