【本報訊】警方竄改7.21歷史引起公憤，本報昨晚找到兩名當晚親歷白衣人無差別襲擊的市民，他們指當晚黑衣人和白衣人勢力懸殊，絕非警方所述「旗鼓相當」、「勢均力敵」下發生毆鬥，葉先生直言對警方拘捕受襲者林卓廷感到憤怒，強調「林卓廷係之後先入嚟，白衣人好早已經喺個站」，當時白衣人「攞住木枝、藤條係咁毆，講咩都唔會理，一嚟就話你破壞佢哋嘅生活」。對警方聲稱「快速應變部隊」在18分鐘內已趕到現場，他指當晚白衣人在西鐵車門範圍毆打乘客持續20分鐘，仍未見警察蹤影。
事隔一年，市民葉先生指事件為恐怖襲擊和警黑勾結，因感警隊不可信，事後無報警，重申因目擊友人遇襲卻未能施援導致出現心理陰影，在事後兩至三個月都不敢乘西鐵。他說看畢昨日警方記招，只感覺「警黑合作可能全世界都有，但唔會做到𠵱家咁出面」。
街坊莊小姐認為，警方高調拘捕林卓廷另有目的，「佢（政府）係想清算民主派嘅議員，令到我哋香港人驚」。昨午她有收看警方記招，感到極度失望，「香港𠵱家好似冇晒法治咁，明明係錯嘅人，但佢（政府）又講到係啱嘅咁」。
同樣經歷7.21恐襲的李先生指，當日遇襲的「都係啱啱放工嘅人、女人、阿公阿婆、細路仔都有」，親眼見到一名老翁被毆後流血倒地。對警方記招所交代的新版本，他認為「好明顯係辯駁緊，佢用好多言語上嘅掩飾，例如嗰日上環嘅乜嘢乜嘢咁樣」，但抹不去市民的記憶。