大學公開徵求新名，咦，是間接「要求」加拿大「王亭之」（唔係姓潘那位女士的筆名）以中洲魔法幫大學改返個招財吸水聚寶盆靚名，等院校高層可以一路發，發完再發？食正今年金庚子的底氣，改名「十一孔排洪大壩大學」，霸氣吧！香港財儲話多唔多，美國制裁11人卻有震懾效應，就算見到樂山大佛水浸腳趾，港官都唔敢提賑災兩個字。阿爺識做，包底起亞博臨時醫院，此時借大學改名曲線表忠愛黨，是必須的。
嫌個名太過MIC（中國製造），衝不出國際？香港院校財困，五行欠水，留美37萬大陸學生，聽黨命令，棄美援港，回流的肥水，救返唔少院系講師。公開改名，迎合內地尖子口味，索性叫Tik Tok大學，後生實讚。
既然叫得公開，香港兒女，由12歲到20+歲，願榮光歸香港，順理成章，改名做「公開831太子站大學」，校方會咁沙膽的話，蘋果與黎明會即刻到來！
最後，唔使搞民調或者公投，改名「習大大大學」就好。唔撐嗎？等同站在750萬市民福祉的對立面！