【本報訊】受疫情影響，近乎無外傭由海外來港工作，本地外傭供應大減，有僱主遭即將完約外傭兩度開天索價至月薪8,000元，「𠵱家工人可以向老細提出咁多要求，而老細係冇任何還價嘅條件！」另有僱主嘆無選擇下，惟有續聘曾偷竊的外傭。除了請「姐姐」難，自外傭群組爆發後，僱主更因外傭假期外出聚會而擔驚受怕，批評政府未有提供協助。
女僱主Cath透露年初外傭約滿，打算商討續約時發現外傭曾在家偷竊。一心更換外傭的她，走訪逾十間中介公司不果，「屋企有兩個小朋友，仲有個老人家，疫情下真係好難搵到新工人。」惟有與外傭續約，在家安裝閉路電視自保。
另一僱主林生一家五口與外傭關係融洽，「佢都有話畀人知做得好開心，同我哋係一家人。」今年3月商討續約時，外傭爽快答應，怎料她到入境處辦工作簽證後，態度180度轉變，懷疑同鄉教路後，改口不續約。現時外傭最低工資4,630元，「佢話出面市場價叫到8,000蚊，問可唔可以畀到6,000蚊。」
林最初拒絕加薪，惟考慮到與妻要工作，無法照顧三名小孩而答應，「點知工人姐姐一口拒絕咗，因為原來佢同人傾咗新合約！」外傭要求加薪到8,000，「我點知應承畀8,000你之後，你會唔會又要求我畀10,000，（網上指）出面個叫價去到13,000，會唔會好似無底深潭咁加落去。」他拒絕加薪續約後外傭即開始「玩嘢」，拒絕洗車又遲起身，「老婆煮埋畀佢食，佢都燶晒口面。」另外，外傭群組爆發後，他擔心外傭外出與同鄉聚會或染疫，多番勸說後她才答應假日留家。
疫情令林的收入由兩、三萬元跌到只得數千元，無法負擔外傭「天價」薪酬。原為體育教練的他，所有訓練班均須暫停，就連開業15年的製作獎牌公司亦面臨結業，他惟有轉做裝修散工及GOGOVAN司機；得知不少網民指有中介「出蠱惑」騙中介費，對此非常憂慮，走訪約六間中介公司，本月中終以月薪5,500元聘到外傭。他促政府處理外傭坐地起價問題，「會唔會同菲律賓政府、印尼政府溝通吓，做多少少檢測，放寬少少畀多啲姐姐入嚟」，或考慮本地立法臨時設外傭薪金上限。