【本報訊】去年7.21在西鐵元朗站遭白衣人襲擊受傷的民主黨立法會議員林卓廷，事件惹社會譁然。藝人趙學而在社交網Instagram上載一張倒轉的黑白維港照片表達不滿，卓韻芝亦在facebook怒斥「晒倒顛嘢部全」。
歌手何韻詩昨日轉發林卓廷被上門拘捕短片，並寫道：「當個世界已經荒謬到你已經無辦法搵到更荒謬嘅字去形容。俾人打變被告，喺現今香港都唔算咩咁shocking。重點係，觸及香港人心目中咁敏感嘅7.21，呢班黑警都go ahead照拉。哇，好膽識，好嘢。除咗嬲之外，真心唔明，點解可以蠢到咁？諗咗一分鐘，除咗『佢哋真係咁蠢』同埋大家根本係活喺平行時空，班黑警深信自己真係除暴安良之外，我真係諗唔到第三個理由呢班廢物可以有意識地做啲咁戇X嘅事。定係係咪有啲乜高層次高智慧政治手段xyz喺背後？」
新界北總區刑事總部高級警司陳天柱被傳媒追問時一度「口窒窒」及答非所問，藝人杜汶澤在facebook嘲笑：「差人查身份證嗰陣成日問人『咁震做乜啫』，我都想問番你深呼吸乜呀？震過貓王咁，硬淨啲！你天子門生嚟㗎嘛！遇神殺神吖嘛！畀粒保嬰丹你食定吓驚先使唔使呀？7.21，係香港人同香港警察結下不共戴天之仇嘅一日，你哋都改變唔到事實！」
歌手鄧穎芝亦留言表示：「我們知道他們在說謊，他們也知道自己是說謊，他們也知道我們知道他們在說謊，但是他們依然在說謊。#黃藍是政見黑白是良知。」
歌手黃家強亦留言：「從小就學會甚麼是對與錯，長大後更懂得甚麼是對與錯，突然間好懷念《包青天》這套劇。」