政府昨日宣佈後日起重開戲院及美容院等場所，經營美容院多年的羅霖因武肺令生意大受影響，她回覆《蘋果》表示：「太遲，美容院虧損嚴重！好多熟客都好想做療程。」同樣經營美容院的鄧洢玲（阿旦）表示︰「同事都好雀躍，開門前一日清潔會做大掃除。因為weekend關係，都擔心到時booking會有啲亂。」
在尖沙嘴及銅鑼灣開設餐廳的龍小菌則暗寸政府︰「啲病毒之前就6點出嚟，𠵱家就9點，佢變種得咁突然，我都冇辦法。生意冇咗大半。」她坦言對放寬期望不高，指隨時可能有第四波。在大角嘴開設主題餐廳的張惠雅直言：「政府嘅政策我都唔係好明想點，好摸唔透，希望可以快啲回復正常生活。」經營party room的陳潔玲，其行業不在今次放寬之列，她坦言對政府早已死心：「疫情點解咁反覆爆發，都係因為香港政府堅持唔封關。部份行業可以慢慢恢復營運，我覺得只係十八層地獄同十七層地獄嘅分別。」
