林珊珊Miki趁疫情緩和掃貨

疫情日漸緩和，藝人紛紛出動行街享受購物樂，昨日《蘋果》先後見到楊愛謹（Miki）和林珊珊現身銅鑼灣購物。昨日下午3時許，林珊珊在利園一間專賣小朋友返學用品的精品店購物，珊珊研究完一輪買了幾個袋離開。記者上前問她是否買禮物送給他人時，珊珊說：「係呀，生日呀，𠵱家小朋友啲嘢可以大人用。」問到是否因為疫情緩和才行街，珊珊表示：「好似鬆咗少少，所以lunch出嚟行一陣，今日太陽比較好啲，所以出嚟曬太陽，跟住返公司。」

大概一小時後，記者發現Miki單拖於希慎廣場買護膚品，戴住口罩的她不停跟sales吹水，買了一袋戰利品離開。買完護膚品後，Miki轉戰時代廣場買糖，然後會合一名女性朋友再逛名店。其間記者上前欲跟Miki做訪問，但她禮貌地婉拒。