謝永輝以工作假期名義赴法，手球訓練雖為其生活重心，但單靠儲蓄不敷一年使用，惟對法語一竅不通的他求職連連碰壁，慶幸最終於異國的麥當勞廚房覓得兼職，幫補生活開支。
謝永輝畢業於理大旅遊管理系，他赴發法國時盤算從事酒店或運動相關行業，甚至教授中文，然而初學法語的他求職無門，有人或轉而到華人商店打工，但他堅持希望於外語環境工作，「咁對學法文冇乜幫助，所以我就搵一份用全法文工作嘅工，如果唔係我去中餐館做嘢都得，但我又唔想浪費呢一年嘅機會。」求職三個月後，他始獲麥當勞聘請當兼職，那時他連面試邀約的電話亦要房東協助接聽，幸快餐店經理未有介意其法語水平，照樣聘請，「我話我唔識法文呀，但又想試吓返工，佢話唔緊要，有同事都係咁，熟能生巧，返返吓就會識。」
獨在異鄉為異客，言語不通加上亞裔面孔，他坦言工作時曾被不禮貌對待，生活雖有不如意，也惟有堅強撐過，「好似俾人歧視咁，我同自己講都係做多幾個月啫，當自己捱過咗，吞咗佢。」 後來工作日久，其法語水平亦有改善，尚能應付基本廚房溝通，不過他笑說有時亦有「蝦碌」，「有次經理叫我去攞個籃，我以為佢叫我攞紙袋，我就攞咗三箱出嚟，不過都係因為呢個環境逼到自己去學法文。」