【娛樂圖輯】浪漫黃昏

噚日係七夕，係中國情人節，周杰倫同林熙蕾不約而同孖另一半喺網上放閃大晒恩愛。婚後變成「愛妻號」嘅周董貼出跟老婆昆凌情深望嘅靚相，再襯埋背後嘅夕陽美景，認真浪漫。而昔日性感女神林熙蕾則選擇跟老公楊晨「互啤」，但睇得出「啤」得嚟幾咁sweet。

分享幸福

陳松伶同老公張鐸噚日趁七夕分享佢哋相差八年嘅「姊弟戀」婚姻，陳松伶認為年齡只係符號；夫妻要似齒輪先可向前走，而張鐸即狂冧老婆話：「我一直覺得老婆出生年月日是寫錯。」

物輕情重

新婚不久嘅林峯啱啱喺內地拍完劇，梗係要交人慰妻啦，張馨月噚日喺社交網貼出同林峯一齊戴口罩嘅相，另一張相係收到紅玫瑰同手袋，雖然支玫瑰好似只係值10蚊人仔，但正所謂物輕情義重嘛。