現年55歲的90年代歌手李國祥，近年不時在個人fb發表愛國偉論，日前他在fb貼出一條近20分鐘的短片，除了發表愛國之情外，他更「辣」到一位曾撐年輕人、支持反送中的圈中前輩，他說：「老懵咗前輩，為咗補償自己嘅缺失，屈香港欠年輕人好多？ 」不少網民認為李國祥的矛頭是指向葉德嫻。
李國祥稱當日見到自己好喜歡的一位前輩，為佔中市民發聲感到愕然：「當時未有去深究，以為係外國勢力，我嗰時叫佢做老懵咗。但係黑暴之後，佢仲不斷出嚟，我就開始了解佢嘅情況，其實佢今次點解令大家咁憤怒？就係因為佢話『上一代嘅人欠咗年輕人好多嘢』。」李國祥揣測因前輩年紀大、仔女不在身邊，因此才站在年輕人的一邊希望得到認同，他說：「我覺得老懵咗前輩真係因為內心嘅缺失，年輕嘅時候冇為佢嘅子女付出足夠時間、關心，所以覺得要補償畀啲年輕人，就將自己嘅過失賴咗落去其他人度。」李國祥又踩現今年輕人是「塞滿知識嘅白癡」。
不少網民留言鬧爆李國祥，也有不少藝人為葉德嫻抱不平，阮民安昨日回覆《蘋果》時力斥李國祥是「垃圾」：「首先我覺得你有冇照一照鏡，知唔知個醜字點寫先。當然如果佢只係一隻蟻民，就冇人理佢，相反佢講嘅嘢大家有留意到，叫做有少少人識嘅歌手，叫有輪有廓。當你有輪有廓，但原來你副偈係咁差咁渣時候，仲走去話人哋外表，我諗你都要收收皮先。」另外，阮民安留意大家討論這事後，也有去看看對方fb，他說：「我見佢擦大陸鞋都擦得幾淋漓盡致，但又唔覺得佢喺大陸有乜撈到。見佢出post有條藝人有like佢，叫曹永廉，但如果曹永廉like得都係啲垃圾啦，其實呢條友都係垃圾到不得了。」王宗堯亦轉貼相關報道，其後他回覆《蘋果》：「對方忽然彈出嚟講呢啲嘢好唔尊重人！」
而吳日言昨回覆《蘋果》表示：「佢post咗10幾個鐘都係得百幾個like，即平均一個鐘10個人嚟保護，保護性都幾強吓。Deanie姐（葉德嫻）嘅思維已昇華到一個唔需要care世俗人嘅說話同眼光。」她謂尊重言論自由，但李國祥的說話提及對方私事，因此已變成人身攻擊，不能接受。而李綺雯則說：「完全覺得無需理會。」
