【本報訊】壹傳媒創辦人黎智英涉以「我實搵人搞X你」恐嚇《東方日報》記者，案件昨完成舉證。庭上播放黎錄口供的片段，黎自言被記者日夜貼身追訪五年，從沒多加理會，惟涉案記者格外侵擾，經常「兜口兜面」拍攝挑撥他，故他衝口而出用粗口責罵對方。黎解釋「搞你」意指找律師、報警、申請禁制令之類，強調自己是斯文人，「唔會諗到話真係用黑社會搞佢」。
裁判官鍾明新昨裁定案件表證成立。黎智英選擇不出庭作供，亦不傳召任何辯方證人。案件押後到本周五作結案陳詞，預料9月裁決，但未定確實日期。
黎智英被控2017年6月4日在維園恐嚇記者X。翌年8月16日黎接受調查，由律師陪同到警署錄口供。警方指他涉嫌刑事恐嚇X，黎起初稱沒有話想說，但隨後回答問話，說當日偕李柱銘到維園參加彌撒和六四集會，當時看不到X在場拍攝，但認得X。
他解釋，《東方》記者輪班跟蹤採訪他五年，其中24小時追訪有三年，由朝到晚則有兩年，「佢跟住我，我冇理佢，直至到呢條友係咁樣樣兜口兜面，係咁喺度挑撥我，我先至嬲之嘛。」黎所指的挑撥者即是X，他不知其姓名，但認得對方案發前數個月侵擾式拍攝他，「其他嗰啲喺出面影㗎之嘛，佢特登兜口兜面咁。」
黎承認案發當日X沒有挑撥他，他做完彌撒看見X，便上前當着其他記者面前，在X耳邊責罵，沒有身體接觸，大概說了：「我X你老母，你唔好成日咁樣搞我呀！我搵人搞返你㗎！」警方問「搵人搞返你」代表甚麼，黎稱是衝口而出：「或者我搵injunction（禁制令）、搵律師呀、或者報警呀，當時我都冇諗到咁詳細。」
黎強調：「但係我斯文人，我點會話搞佢乜嘢？我唔會諗到話真係用黑社會搞佢，或者嗰啲咩……我從來冇搞過人。」警方問黎，事後有沒有找律師、聯絡對方報館、申請禁制令等等，黎表示沒有。
黎錄口供約15分鐘期間，稱不記得案發前有否與X口角過。辯方日前盤問出庭作供的X時指，案發前數日X近距離拍攝黎，黎後退時不慎撞倒太太，令太太失平衡，黎因而用粗口罵X。
案發當日黎責罵X的情況，被在場另一名《東方日報》記者Y拍下，成為呈堂證物。控方昨傳召任職超過20年的Y作供，Y稱當晚與事主X在維園會合採訪，當祈禱會完結市民陸續離開，李柱銘及黎亦起身離開。其間有記者採訪李，他專注拍攝李受訪的經過，其間聽到黎「好大聲說話」，他於是轉身，「聽到黎生鬧緊我同事」，馬上開機拍攝。Y指當時與黎距離兩、三米。
Y表示，當時聽到黎好像用粗口罵X，惟他不記得內容。當黎罵完X後，轉身離開數秒，「又再轉身，鬧我同事」，先後共罵了三次。Y形容黎當時面容「比較激動，好嬲怒」。
案件編號：WKCC956/20