講開之鋒，之前左報成日屈佢同前香港眾志成員着草，仲搞到前香港眾志副主席鄭家朗要公開闢謠，話左報傳佢潛逃外國純屬虛構。不過噚日網上有圖片見到黃之鋒疑似約埋駐美港人組織香港民主委員會（HKDC）行政總監朱牧民，喺美國睇洛杉磯道奇棒球比賽（Los Angeles Dodgers），唔通今次又到傳之鋒走佬？
其實之鋒「現身」美國，只係HKDC不齒藍絲爆粗圍攻喺山頂放狗嘅黃之鋒，所以將佢同朱牧民嘅相上傳至道奇體育館球迷紙板公仔睇比賽活動，成個球季公眾都會見到佢兩位同一眾球迷嘅紙板公仔放喺觀眾席。HKDC喺facebook上傳呢張「睇波相」，話黃之鋒同朱牧民喺洛杉磯睇緊棒球比賽，仲寸爆咁同藍絲講：「黃之鋒到咗，你哋快啲啦。」