【本報訊】「入院九日半連續高燒，食咗無數粒退燒藥，喺病床上真係諗過死亡！」與麥德羅稔熟的業餘歌手Amy，7月11日出席屯門富臨壽宴後中招，「我當日坐喺麥德羅同佢女友Apple姐隔籬，劉少君坐另一枱！」當晚全場筵開20圍約200人，枱與枱很貼近，她入場後見麥唱完後，便接過咪高峯獨唱，其間多名大叔上前跳舞。其後得知宴會主角慈姐，以及出席過慶回歸晚會的Sandy都確診，「我諗當日合照，大家好close，冇戴口罩，亦有唱歌，而同枱食飯都有機會受感染！」
當麥德羅及Apple姐等相繼中招後，Amy亦出現喉嚨乾及流鼻水等輕微感冒症狀，她立即求醫發現中招，隨即於7月18日入院，衞生署和重案組致電問她過去14天到過甚麼地方。發病前，她曾與小雪出席生日會，得知對方隱瞞染疫，批評做法十分自私。
她憶述由地獄折返人間經歷，入院後一直高燒不退：「連續幾日（燒到）39度，半夜都要食退燒藥！」其後照X光更發現肺部開始花，隨即接受武肺療程，隔日在肚皮打針，三支為一個療程，「每日都肚瀉、嘔，仲試過喺廁所暈低，好彩咁啱有護士入嚟扶起我。」在極度虛弱下，她吃不下，周身骨痛，身心受盡煎熬，「但我憑意志戰勝佢，日日同自己講我一定得，直至28日才退燒，8月1日出院，留院共15日。」