張建宗叫打工仔拎住飯盒去郊野公園和雨lunch，幸好冇人聽佢支盲公竹亂點。再接再厲，張公對寄出70封求職信、 僱主通通已讀不回的應屆歷史系畢業生進言：求職別揀擇，洗碗都是工作經驗。
張公沒講錯，洗碗都屬歷史大數據一部份，就算通識教科書閹割了雨傘運動與銅鑼灣書店事件，這點史實，在歷史長河中已經被人民吸收儲存，落幾多洗潔精都洗刷唔甩。
大是大非面前，張建宗的建議，娛樂性很強，不如咁，請他自問自答，向民間提供更多嗒落有味的對話：例如：「請問你會做幾多次全民檢測？」建議司長老實答：「每個人做密啲，愈多愈好，齊頭湊夠777萬。」問：「幾時強制推行全民健康碼？」神回答：「唔使強制，你想去日本睇紅葉，去英國5+1，都要個碼配合㗎嘛。」問：「李梓x問，點解美制（裁）11人，冇你份嘅？」秒回：「我很懷疑美國的標準，不過你腦細葉劉都冇份，我同佢唔同馬房但齊上齊落，心情舒暢。」