鄭中基（Ronald）唱得演得，於樂壇及影壇均有代表作，內地市場一直歡迎他去發展。然而他自去年農曆新年於紅館完成五場個唱後，再到亞洲等地巡迴，唯獨原定去年8月在廣州舉行的演唱會，於開騷前五日突然被主辦公司以「天氣同技術原因影響」為由，而延期至12月。相隔一個月，大會再出聲明指「未能短期內確定藝人及演出場地時間」，令演唱會無限期押後，當時有網民曾提議Ronald：「快做護旗手」，不過他卻於去年12月27日在微博寫上「每個人都需要有啲空間可以擺低『我』嘅各種身份，專心照顧自己」後，便沒有再更新，疑似以行動表態撤出內地市場。
今年3月，Ronald開設個人YouTube Channel《機動電視台RTV》，雖然他於頻道寫上「睇心情出片」，但他卻口不對心，對自家頻道非常上心，幾乎每星期都有片段分享，短短五個月內已錄得近6萬5千人訂閱。頻道內的片段包羅萬有，有傳授唱歌心得，聽網民翻唱自己歌曲再給予評語，又有和員工玩心理遊戲及估戲名，另外又有他搞笑一面，於片段中玩辧公室小遊戲。Ronald在頻道內展示真性情，未有刪走爆粗及手執電子煙鏡頭，令觀眾非常受落。
對於Ronald疑撤出微博，其拍檔田雞昨日接受《蘋果》電話訪問解釋：「佢唔係退出微博，只係冇返內地冇update，又唔記得密碼，以前助手幫佢處理，佢反而開咗抖音，冇玩微博。」至於開設頻道，Ronald助手回覆：「YouTube係要花啲時間摸索吓，我哋目標係拍自己想拍嘅內容，暫時睇到啲反應都幾好呀，但要靠點擊，賺到錢其實係好遙遠嘅事，我哋都好佩服啲YouTuber，的確係好唔容易。」
Ronald雖然家境富裕，但他近年越來越貼地，除選擇專注本地市場，亦關心香港人面對的困難。早在武漢肺炎爆發初期，他已聯同員工出外派發防疫包，為香港人送暖，上月政府推行全日禁堂食措施時，他亦於社交平台呼籲不要上載市民在街上食飯的相片，並寫上「人人嘅尊嚴都應該受到尊重。」
