梁芷珊對於政務司司長張建宗前日與青年發展委員會副主席劉鳴煒舉行網上座談，研討青年就業問題，張建宗竟叫年輕人搵工「不要太揀擇」，應放低身段，就算洗碗都是工作經驗，梁芷珊前晚在fb出貼文鬧爆：「離地到一個境界，唔知佢係唔係指喺屋企洗碗呢？飲食界被祭旗之後，整體萎縮，還有幾多洗碗工作等人做？這個講法，就好像叫年輕人勿揀擇，去球場做執波仔也是工作經驗，乜仲有球賽，需要好多球僮咩？」網民同樣狂轟張建宗言論堅離地。
勞工及福利局局長羅致光接受港台訪問時，重提禁堂食後才知有這麼多人在戶外工作，輪到張堅庭在fb寸爆：「按此邏輯，出現了底褲口罩冇人要，港珠澳大橋冇車行，疫區海員自由行，累死幾十名老人家，都係他們冇諗到？」最後他更寫上：「如此水平的官員服務我們，我們只能撼頭埋牆。」
