趣趣地：中超抬擔架仆低笑爆嘴

中超過去不時會出現搞笑嘢，今次就輪到深圳佳兆業對大連人比賽出現。話說佳兆業嘅閘位球員葛振受傷要離場，當時球證就叫咗場外工作人員抬擔架入嚟。行前面嗰位哥哥仔一拎起擔架一個失平衡，成個仆咗落地，連帶喺擔架上面嘅葛振都跌咗喺地，受到「二次傷害」。當時直播鏡頭就見到，大連人嘅外援咸錫見到都忍唔住笑埋一份㖭。