武漢肺炎疫情肆虐香港，但無阻65歲周潤發繼續外出跑步做運動，有傳媒近日捕捉到發哥，談及疫情，他點名揶揄政務司司長張建宗，又狠批政府未有諗過市民境況，心痛要戶外工作的市民要「遍地開餐」。昨日袁彌明、陳潔玲、邵仲衡等藝人接受《蘋果》訪問，也炮轟政府限聚令、禁晚市堂食等防疫政策失當。
世紀疫情下，周潤發亦要停工，但他仍堅持每天早起做運動，有傳媒影到他日前清晨5時許出門，和一名女友人到郊外行山。記者訪問發哥時，談到政府的抗疫措施，發哥不禁眉頭緊皺，狠批一班高官未有理會民間疾苦。發哥指近日出街食飯大受疫情影響，更點名揶揄：「張建宗叫我哋去郊野公園開餐吖嘛，我買個飯盒跑完步喺郊野公園食埋先走囉。」
發哥尤其對早前政府提出的全日「禁堂食」令感到不滿，他心痛一班勞動階層，狠批措施不當，直言政府未有諗過市民境況，他指需要戶外工作的市民如乞兒一樣要「遍地開餐」，又批政府事後一句「不好意思」就算。心繫香港的發哥，亦關心一班走在前線的醫護，同時期望各國能盡快研製疫苗，不過被問到對政府有沒有建議，他稱自己是蟻民，只是聽指令做事。《蘋果》昨日就此事再找發哥做訪問，但截稿前未獲回覆。
昨日不少藝人接受《蘋果》訪問，都對政府防疫政策有意見。開設兩間party room的陳潔玲表示：「政府嘅第二輪基金，開party room有4萬蚊資助，我5月開始申請，到今日都未收到錢，我打咗好多次去查詢，但都係聽到錄音機式答覆，係冇答案嘅，我email咗去政府嗰邊，亦都係冇任何回覆。」她續說：「政府叫我哋停業嘅時候，我哋第一時間要停業，但係我哋唔識變魔術，無端端唔會變到啲錢，去應付日常支出同埋交租。」
RubberBand低音吉他手阿偉（李兆偉）投資開3間燒肉餐廳，他說：「政府一日唔放寬，捱得一日得一日，長遠計一定冇得做。政府政策好唔貼地，推出之後又改，希望佢哋貼地啲。」阮民安則指：「疫情開始關又唔封，年頭搶完口罩，之後輪到搶柴米油鹽，跟住限聚令、禁堂食，搞到好多香港人停工失業。」邵仲衡則指高官是「技術官僚」，他說：「有啲官員用晒時間去擦鞋，可憐食肆冇生意做到嗌晒救命，30幾度大熱天，巿民要踎街食晏，我哋香港真係需要一個英明啲、醒啲嘅領導人。」
袁彌明的生活百貨有10間分店，她昨日受訪怒轟政府不肯封關，導致疫情爆發：「年初時一早封關就唔會有咁多case。」她又指政府的保就業計劃不周詳，同時批評政府派錢給超巿卻要它們減價給優惠，袁彌明建議：「政府大可以派消費券，或者甚至直接畀錢弱勢社群，咁樣先真正幫到佢哋。政府最好係要直接回水畀巿民。」
現年86歲的黃夏蕙鬧爆限聚令：「最無謂係禁堂食，打工仔衣食住行最緊要，𠵱家開午巿禁晚巿，你估病毒真係夜晚先出嚟，好多返夜更嘅人想食啖飯都冇地方，周街捧住個飯盒真係好可憐。」
