【心繫香港】搵林夕搭路闖台灣

【心繫香港】搵林夕搭路闖台灣

小肥向來被網民指唱歌好聽但紅唔起,但他反而覺得開心,「我已經好好彩,仲可以繼續出歌出碟,起碼開心評價話我唱歌好聽,夠啦!有冇唔憤氣?中間梗有啲,但𠵱家44,已經進入看透人生嘅年紀,將來仲有好多計劃實行,陳輝陽下年帶我去台灣闖,幫我聯絡到林夕,嘩,台灣市場同金曲獎會畀到人希望。」

小肥放眼台灣市場,而出櫃後的他,可能冇得上內地賺人仔,「其實呢輪我都少咗,大陸有人篤灰,我個名都黃咗。」去年7.1大遊行,着黑衣反送中的市民遍地開花,身為澳門歌手、在港發展多年的小肥,都有現身遊行隊伍。「我知道大陸好多聽眾都支持自己,感到可惜唔可以再喺佢哋面前表演,冇辦法啦,惟有睇吓將來有乜機會。」