買家永遠想買平，但我曾經做過一單刁，買家最終從炒家手上比叫價高90%接摸貨。是咁的，當年有家上市公司大展拳腳，搵緊一個幾萬呎又可容納幾百人的地方。當時市場滿足到買家需求，全港只有3個地方交吉中，其中一個放盤是一件摸貨。試問堂堂一家上市公司又點會接炒家貨？
通常有客，一般先游說業主，但呢鋪好唔同。我先游說買家，因為那是一家上市公司，每個決定都是一層層審批。我就向這家上市公司打篇萬言書，力陳市場運作。再者，CEO、CFO都是打工啫，不是用自己錢，最緊要點先買得到。當時我就話：「你只有畀個好高嘅價錢，業主先會等你。」試想想目標地方求其一小份業權沽出，整個物業被人落支釘，好夢最終成泡影。做刁通常搵買家簽完後畀業主簽，而我是叫業主簽完才畀買家簽，令這家上市公司能切實審視。
業主方面點搞？他是炒家，摸貨期5個月，之所以信我，無非當年我幫他賺了很多刁，又在逆市幫他踢契甩身。初時他都半信半疑，後來只是3個半月，他買入的物業以高於買入價90%售予該家上市公司。上市公司是傻仔？當然不是，當時他要增加市佔率，他搶入這些地方，變相是他競爭對手少了一個地盤。呢單刁我個人淨袋100萬元。所以話做經紀唔為佣，唔通為談判的藝術呀！
小師兄