【本報訊】華叔（圖）去年底因右膝疼痛，前往深水埗區中藥房打算購買止痛藥。當時67歲的他從未使用醫療券，駐診中醫師見他年老便加以游說，「佢話『仲有個零月又畀你㗎喇，用唔用都係咁多。』」中醫隨即為他開設醫療券戶口，得悉其戶口內有6,000元後，即席把脈並診斷為濕熱，處方兩包藥散及一樽中藥粉，藥房以藥材磨粉需時為由，着隔日再來，事後才得知索價3,000元，藥粉不值此價，對被騙深感無奈。
取藥當日，華嫂看到診金及藥費竟索價3,000元，大為震驚，「嘩！點解咁貴嘅，我問『呢啲咩嘢粉嚟㗎？我唔攞得嘛？』」惟遭中醫師拒絕，「佢話：『整好晒你唔攞唔得㗎，靚嘢嚟㗎，死儍豬！……你啲醫療券都未使過，一陣你唔使呢，政府第二年就唔畀你㗎喇，益我好過益政府啦！」
華嫂透露由診症到離開，都沒有見過藥材的真身，「都唔知乜粉嚟嘅，又冇睇到個架，又冇睇到個秤」。中醫師亦沒說藥粉的成份，只一直強調是「靚嘢」。其後藥粉到手，她才看到瓶子上寫着花旗參、雲南田七、霍山石斛及丹參，大感不值。
華叔受腳痛纏擾多年，家貧的他無法到私家醫院就醫，一直試盡民間偏方，直至去年知道有醫療券計劃，他才懂得用醫療券到私家醫院針灸，每周針兩次，每次480元，腳痛情況大有改善，惟費用高昂，等待政府發放下年度金額後再繼續療程。