【本報訊】第一期保就業計劃監管鬆散，僱主可透過炒高薪舊人，轉聘低薪新人，減少薪酬開支，同時政府補貼金額不受影響。勞工及福利局局長羅致光昨被問及如何堵塞漏洞時，竟稱不能限制企業的人手調動，又指若僱員遭不合理解僱，可自行舉報，「如果真係有（不合理解僱）嘅話呢，佢真係可以向勞工處投訴」，辯稱當局沒有人手監管，「如果太多呢啲監管嘅工作，睇埋人哋公司嘅人事管理嘅話，我相信請多三、四百人都可能唔夠嘅」。
他指詳細調查涉及人力物力，若政府監察公司內部人員流動的具體人事管理政策，便會超出計劃簡單快捷保就業的目的。
職工盟總幹事蒙兆達直斥羅致光涼薄，態度傲慢，即使工會早已向政府點明計劃漏洞所在，仍充耳不聞，「佢唔單止係唔理會，直頭係輕視意見，覺得佢自己先係最識嘢嗰個」。
蒙兆達指羅致光早知改聘較低薪員工是計劃漏洞，「明知有個氹都要一腳踩落去」，反駁政府只須要求僱主提供支薪紀錄，有關紀錄屬銀行戶口和強積金戶口資料，當局只需以抽查方式檢視僱主有沒有犯例即可，「800億公帑嘅計劃都唔做好監管，人哋自然覺得你係利益輸送」。