自反送中運動以來，不斷有關於以往發生於庚子年間的各種事件之報道。當年慈禧在全國紛亂之時夠膽向11列強宣戰是發生於1900年夏天，exactly嗰日據說是6月21日。1900年相距2020年一共有120年，60年為一甲子，大家都係發生在庚子年，大家都係在夏天。
之前的戊戌維新失敗遭到慈禧鎮壓，改革成員被抓捕因而四處逃難。情況同反送中勇武逃往外地係咪有啲相似？就連向近期向海外發通緝令的香港異見人士人數也是6位，和戊戌六君子也不謀而合。
慈禧最憎恨列強嘅主要原因係，佢好想廢咗光緒呢個列強視為較開明較接受西方文化嘅皇帝好耐，但卻遇到西方列強嘅反對。呢個成日和她對着幹嘅光緒皇帝似唔似香港？要廢光緒遇上列強反對，似唔似𠵱家立咗國安法在香港頭上卻遇上世界各方制裁？
義和團起動於山東，有個山西巡撫叫毓賢排外零舍激烈，縱容義和團焚燒教堂和喺當地攻擊洋人。佢返到京城之後，走去同好多同僚讚嘆義和團嘅神勇。當時慈禧嘅身邊守舊派聽後非常高興，走去鼓動慈禧利用義和團來對付那些洋人。卒之慈禧下令關閉各國領事館，鼓勵清兵百姓捕殺洋人，最後向11列強宣戰。𠵱家山西巡撫已經出現咗，拆教堂和關閉領事館已經做埋，咁當年誤以為能「驍勇善戰」的義和團，今天又會係邊個嚟勝任？唔通係五毛網上兵團？
當年戊戌維新失敗，據說袁世凱正係當中篤灰之人，這個兩頭蛇後來卻能成為革命成功後的第一任大總統。香港現時嘅處境，邊個會係袁世凱？究竟佢係一個人還是個國家，還是未知之數，真係要拭目以待。
遮打道口水佬