高海寧（高Ling）和馮盈盈昨日齊戴口罩為新劇宣傳，以不同造型重演劇中經典戲份，高Ling獲網民讚演技，她說：「佢哋話我同角色人前人後兩個樣，問我明星係唔係都係咁，我話只有劇中角色係咁，高海寧唔係。」馮盈盈的大膽演出被姜大衛指兒童不宜，她解釋只是誇張一點演出來，馮盈盈指自己欠缺急才，會多加思考改進。
最近劇集在內地網上播放，不過海報位置由高Ling取代原先在中間位置的馮盈盈，女主角馮盈盈反而在旁邊，兩位當事人表示不清楚，相信是公司安排，馮盈盈說：「自己冇唔開心，因為好多觀眾話鍾意我嘅角色，仲誇獎我有進步。」高Ling指自己專注演戲，不介意戲份和排位。