【本報訊】崩牙駒1999年被捕入獄，水房賴反守為攻一統江湖，食正澳門賭權開放及內地放寬自由行，高峯期身家過百億元。水房賴獨大，本來無人可挑戰其黑道霸主地位，但近年他橫行霸道，終惹怒澳門當局被打殘而敗走，和安樂勢力隨之瓦解。
行事低調的水房賴極具生意頭腦，一名賭業中人指，他雖只得一個賭廳，但在澳門江湖地位超然，很多開賭人士主動巴結，「喺澳門開賭廳，都會禮貌上預佢一份，水房賴無本生利。」
水房賴最大收入是叠碼仔生意及放貴利，控制澳門九成叠碼仔生意，率先聘用內地人做叠碼仔，「佢睇通澳門賭業會靠大陸佬撐住，同聲同氣嘅鄉里做叠碼，可以搵到生意。」他又把堂口收入及賭場得益以基金模式滾大，更嚴密監控賭場工作的叠碼仔及貴利佬等，每一單生意，都要經組頭向其寫字樓滙報記錄，至月尾對數，防止賬目不清。
水房賴又染指正行生意，開設石油氣公司、酒樓、酒吧及的士高等。高峯期，他控制和安樂數千會眾、逾千叠碼仔及貴利佬，手下猛將如雲，如舊情人小鳳姐、大堅、細堅、崩牙駒昔日愛將「猛鬼添」等，高峯期身家過百億元。
但近年兩次生事，迫使澳門政府決心鏟除水房賴。第一宗去年發生，水房賴人馬跟澳門治安警爭執，一度吹雞晒馬，驚動大批司警到場制止。另一宗為去年農曆年間，他兒子到新口岸一間酒店停車場取車時，因出車問題被四名內地漢襲擊，水房賴下達「江湖追殺令」，澳門當局震怒，嚴厲掃蕩其地盤，十四K趁機反撲，加上近年疫情影響，賭場生意萎縮，重挫水房收入。