趣趣地：尼奴雙喜臨門小登科

阿仙奴以英足盃冠軍結束球季，雖然德國門將賓特尼奴早前受傷冇份踢，但總算係球隊冠軍成員。所謂人逢喜事精神爽，家陣28歲嘅佢周三喺ig發帖話迎娶現年23歲嘅蘇菲做老婆。佢哋2015年8月開始拍拖，蘇菲周三同尼奴喺家鄉結束五年愛情長跑，賓特尼奴嘅阿仙奴隊友洛賀丁、德甲球星祖利安白蘭特、禾蘭同奧斯爾老婆都有送上祝福。