27歲準人妻何雁詩前晚於Ig上載穿粉紅色吊帶運動背心片段，以為她教人做運動，豈料是一條講嘢食螺絲的9秒NG片。片中何雁詩先彎低身調整鏡頭，大晒事業線，之後講幾句就食螺絲、伸脷兼傻笑，不少網民表示嫌棄並批評她：「好似特登着細咗個碼」、「表面上NG，實際上露波」、「唔好做到自己咁cheap，冇必要出胸。」何雁詩逐一回覆網民，堅稱穿的是正常運動衫，又指「大家對網上資訊也毋須反應過大」，但她稱樂於聽取意見，下次會注意形象。
何雁詩的fans就為偶像抱不平：「這條片出咗冇幾耐就已經差唔多有五萬views，四千多個like，唔好因幾個有心攻擊你嘅留言唔開心，我係你就日日着出video。」