正身處奧地利同多蒙特進行季前熱身嘅查頓辛祖，一直傳喺今年夏天加盟紅魔，不過周一繼多蒙特體育總監索克證實辛祖下季留喺多蒙特後，到周三多蒙特6:0贏首場熱身賽後，辛祖接受訪問時都承認繼續留喺多蒙特，意味紅魔簽入辛祖好大機會告吹。據報多蒙特堅持要1.08億鎊報價先肯放辛祖，但紅魔畀唔到，令談判陷入僵局。