最近放假嘅阿士東維拉隊長基亞利殊，同車路士前鋒譚美阿巴謙一齊度假，喺社交網站放咗合照話：「我嘅兄弟！」仲標籤自己係秘密經理人，好似想幫維拉傾阿巴謙返嚟。「維拉柏豪」同阿巴謙18/19球季喺維拉做隊友，雖然之後阿巴謙返咗車仔，但兩人關係仲好好。不過下季車仔又有新鋒迪姆華拿，唔知阿巴謙會唔會想去維拉踢正選呢?