現年44歲歌手徐智勇（小肥）在前晚陳志雲YouTube頻道《Stephen．傾》播出的訪問中出櫃，小肥坦承曾有恐懼感，怕承認後會有負擔，還指自己28歲時才肯定性取向。
在節目中志雲單刀直入問小肥是否喜歡男人？小肥大方承認：「過去28年喺同學、朋友面前都扮嘢。」談到同性密友，他稱只有兩位：「第一位係入行後識，佢係圈外人，一齊有三年；之後嗰位都有十年，我哋2018年散咗。」他指對方要返內地工作，每個周末都等對方回來。
志雲問到從甚麼途徑認識同性朋友？小肥說：「會去基吧識朋友，我好信緣份，都急唔嚟。」及後談到離世父親時，小肥坦言父母對他性取向不知情︰「唔知，媽媽𠵱家開始腦退化，家姐就知知哋，之前嗰位都有同我返屋企。」當年小肥和中學同學兼好友小霖在澳門組成C-PLUS出道，直至2007年小肥加盟黃柏高的金牌娛樂成旗下歌手。志雲問到有否鍾意過小霖？小肥否認說：「但我好信佢，嗰時有兩邊搵我，我信佢程度連呢個決定都交畀佢。」
出櫃消息曝光後，不少網民鼓勵他，圈中好友陳俞希、強尼和張紋嘉等，以及沒交情的李珊珊都留言支持。
藍奕邦在Ig限時動態留言，重提當年與盧凱彤（阿妹）創作、小肥主唱《內外》：「送返你自己隻歌畀你賀吓你，𠵱家聽返係咪應該另一種心情呢？我好為你驕傲！」小肥回應：「真係……由內轉外，多謝邦邦同阿妹，帶我走出呢一步！」小肥表示因為此歌才作出對自己坦白的承諾。