36歲嘅瑞士後衞列治史迪拿，禮拜三喺ig宣佈，自己將會結束19年嘅球員生涯。有報道話，本來列治史迪拿希望踢埋歐國盃先宣佈退役，不過歐國盃推遲一年舉行，列治史迪拿無法將歐國盃當成自己嘅最後舞台。列治史迪拿曾為祖雲達斯所效力嘅七年入面，每年都獲得意甲冠軍。另外列治史迪拿曾代表瑞士國家隊參加過3次世界盃同2次歐國盃，一共為國家隊出戰108場。