【本報訊】《蘋果》日前遭極權打壓，全城震怒。港人連日來聲援《蘋果日報》，不少商戶落廣告支持。廣告客戶紛紛表態撐《蘋果》，「都係自己能力範圍以內，做自己想做嘅事」，又指無懼日後遭騷擾或打壓，「如果擔心就唔會落廣告！」
《蘋果》昨日A叠有23則廣告，三則全版中有兩則無署名，全版白底，正中間只有一句「印白紙都撐！」另一則是食肆「御品．千之味」，廣告上寫「為香港人撐蘋果」。負責人阿樂表示，落廣告全為撐蘋果，「我覺得𠵱家香港得返一份報紙，如果冇咗就會可惜，更加驚冇咗新聞同言論自由」，笑言若他日沒有《蘋果》，「賣廣告嚟紀念吓都好」。
其餘近20則屬四分一版廣告，食肆「燒賣皇后」寫上「我們的燒賣是黃色的。」負責人王先生指去年運動初期有人質疑店舖立場，但抱低調心態，故將這句說話一直放在心裏。《蘋果》遭大搜查，「擺明係進一步打壓，嚇怕一啲人」，令他大為憤怒，「同路人要撐，都係自己能力範圍以內，做自己想做嘅事」。
「麒．拳館」在廣告寫上一個大字「撐」，底下寫上「#香港人加油」。負責人阿麒認為《蘋果》近日的遭遇「好瘋狂同恐怖，咁耐冇聽過咁政治打壓，好似想滅聲」。他認為香港「冇理由得一種聲音」，又指不擔心日後遭針對，「如果擔心就唔會落廣告！」
運動用品公司Secondkill則寫道：「錢可以買到波鞋但買不到民主同自由。」Manchester買樓手記fb專頁也用中英文在廣告表態：「無論何時何地，請支持蘋果日報！支持香港人！」多間黃店也力撐，包括「旅行生活百貨」及「巴絲GO黃的及貨van平台」等；其中朗程的士在廣告明言「和你風雨同路」。除商戶外，亦有市民以署名「香港街坊」落廣告：「蘋果撐香港，港人撐蘋果」；「一群天主教徒」也寫上「撐蘋果日報」。律師任建峰及精算思政陳清泉則以「小市民」名義表心迹，「我哋真係好X鍾意香港」。