西甲班霸皇家馬德里「一年一星」政策都玩咗好多年，不過有報道就話皇馬嚟緊唔打算買人喎。早前《馬卡報》報道，皇馬因武肺疫情影響球會財政收入下，球隊就唔會買人，淨係會收回部份外借嘅球員喎。屬於皇馬資產，上年外借去皇蘇嘅馬田奧迪加特喺西甲上陣32場，攻入4球仲交出6次助攻。據指喺皇馬教練施丹親自打電話邀請下，呢位挪威國腳最終決定重返皇馬。