鳥棲砂岩原定喺禮拜三嘅日聯盃作客出戰廣島三箭，但由於陣中出現10宗武肺確診個案，賽會宣佈將比賽延期，鳥棲未來三輪日職賽事都要押後。而FC橫濱作客就以1:1逼和北海道札幌岡薩多。日本「國寶」三浦知良今仗再以正選姿態上陣55分鐘，將佢嘅日聯盃最年長上陣紀錄，推高至53歲5個月17日。另外，湘南比馬喺主場迎戰大阪飛腳嘅日聯盃賽事，飛腳最終贏2:1。