【本報訊】被指涉嫌違反國安法及串謀欺詐等罪名被捕的壹傳媒創辦人黎智英，昨在風雨中回到將軍澳的公司，當日帶走他的是大批警員，警員更替他鎖上冰冷的手銬；昨日在《蘋果日報》總部、迎接他的是公司上下仝人的掌聲和鼓勵，他更與案中一同被捕的壹傳媒行政總裁張劍虹相擁。見慣大場面的黎智英笑言「好彩冇俾佢整到上大陸！」他拿着同事送上的鮮花感動地說：「放心啦！返番嚟！」「一切繼續，《蘋果》一定撐落去。」
昨中午12時32分，身穿黃色恤衫、藍色西裝外套的黎智英步出座駕，在風雨中返回蘋果大樓，經過一夜休息，他由昨凌晨離開旺角警署時的滿面倦容變得容光煥發，踏入大堂一刻掌聲雷動，大批員工熱烈歡迎他，黎智英報以微笑：「放心啦！返番嚟！Thank You，多謝！」「一切繼續，《蘋果》一定撐落去。」對讀者群情洶湧撐《蘋果》，他直言：「好感動！」
「好彩冇俾佢整上大陸」
黎表示，擔心其他傳媒也會被打壓，不過「每一個遇到都要撐落去，係好難做，各自爬山，繼續做，唔好諗咁多。」面對個人安危，他坦言「唔會擔心。」
踏出升降機走進二樓，又有另一批員工拍掌及送花歡迎，黎智英彎腰鞠躬，舉手道謝，其間案中一同被捕的壹傳媒行政總裁張劍虹走出迎接黎智英，黎邊走向他邊說：「唔好意思，連累到你」，經歷近41小時無理扣查，兩人眼泛淚光，深情相擁。
黎智英安慰張劍虹說：「辛苦晒，唔易捱！」張劍虹盡在不言中，只拍拍黎智英膊頭，黎解釋：「你其實好小事」，張說：「佢（警察）唔會理你」，回到自己辦公室，黎智英不失幽默地說：「好彩冇俾佢整到上大陸……，撐落去，大家撐落去，我哋有香港市民咁支持，唔能夠令佢哋失望。」