【本報訊】黎智英昨在日前被警方國安處警員大肆搜查的辦公室內接受訪問，對於被指涉嫌違反港版國安法及詐騙，他直指事件「政治化得好緊要」，而警方同時拘捕他兩名兒子及集團高層，形容如「誅九族」，「係中共一貫手法」，圖藉此打擊他及身邊人以達到震懾效果。
中共圖震懾溫和港人
港區國安法中涉及勾結外國勢力的罪行，被視為對他及黃之鋒等人度身訂做，現時他確被指控違反有關罪行，被捕時間剛好在美方宣佈制裁11名京港官員後三天，警方更在制裁名單公佈同日向國安法官申請搜查令，令外界視為中方所謂「反制」的報復行動。黎智英受訪時雖質疑警方能否短時間內啟動如此大的拘捕行動，但也稱：「見佢哋對各人嘅﹙罪名﹚指控又有啲騎呢，﹙呢個﹚可能性又唔係冇」，「係咪等於叫美國呀、其他國家：『我哋嘅事你唔好理，你越理我哋就用行動去鎮壓』，會唔會有咁嘅message？好難講。」
現階段不宜談案情，但黎坦承自己7.1前，即港版國安法尚未生效時，曾接受不少海外傳媒訪問，「會覺得如果歐洲、國際支持我哋，就係我哋香港唯一希望，講呢樣嘢同時，當然有啲句子會包含咗﹙如﹚你叫外國做嘢，咁做啲咩？大家都understood啦！」但他強調，「﹙我﹚有冇喺行動上要顛覆中國？或者做任何嘢？佢﹙北京﹚知道我從來對台獨﹙黎智英後來補充，當時口誤，實指港獨﹚嗰啲嘢我一路都反對。」
黎更指，今次被捕「肯定政治化得好緊要」，「連張劍虹（壹傳媒行政總裁）都拉埋」，還有他的兩名兒子黎見恩及黎耀恩，「我兩個仔，你哋都冇見過佢哋嚟呢度（蘋果日報大樓）啦，咁都告，有啲誅九族嘅意味」，直言是中共一貫手法，「想嚇我啲細路同同事。」不過，他認為中共最害怕並非他及一些敢言人士，而是「200萬上街遊行反修例嘅市民」，「人民嘅力量，就算共產黨都腳軟」，相信中共是要透過打擊他，以震懾較溫和港人，「等啲香港人唔敢再出嚟（發聲），有啲人甚至乎鵪鶉咗都唔定」，但他看到今次港人對他被捕的反應，認為大家都非常熱心，未有因而被嚇驚。