【本報訊】遭專政者扣上違反國安法帽子的壹傳媒集團創辦人黎智英，接受警方通宵扣查近40小時後獲釋，休息一夜後，昨重返蘋果日報大樓，獲員工英雄式歡迎。他其後與員工分享感受並接受專訪，透露被關押警署羈留室時，身心疲累卻徹夜難眠，躺在地上有所頓悟，反思即使早知今日，他也不會改變行事決定，「將來瞓喺監獄，whatever，我都係會揀呢條路」，直言一切全是「性格決定咗我嘅命運」，「我接受我嘅命運，等如我接受上帝嘅祝福」，強調會繼續發聲。
黎智英昨日近中午身穿黃色恤衫外披藍色西裝褸返回壹傳媒大樓，獲大批員工在地下大堂英雄式歡迎，他多次向眾人表示感謝：「好開心返番嚟，好感動！」當被問及對《蘋果日報》將來的看法時，即簡單而有力明言：「一切繼續」，又對讀者承諾：「《蘋果》一定撐落去。」
「性格決定咗我嘅命運，咁我接受我嘅命運，等如我接受上帝嘅祝福一樣，我以後唔使驚；係咪要重新考慮？我從來冇諗呢樣嘢。」
黎智英下午走到辦公樓層中庭，向全體員工講話勉勵大家，先笑言：「今次希望你哋唔好嚇驚啦，咁多警察嚟到都係要你哋驚啫，如果你哋驚就中咗佢計啦」；又指周二晚離開警署時，有大批市民到場聲援，「初初聽唔清楚仲以為係啲藍絲」，形容場面令他感動，亦令他知道多年來所作的事沒有白費，「係我哋同事咁多年嚟努力嘅成果，我哋一定要珍惜。」
黎隨後話題一轉，談到被扣押在警署內俗稱「臭格」的羈留室時，因坐的地方較窄，「我咁肥瞓唔到，就瞓咗喺地下」，但卻徹夜難眠，同時反思人生問：「自己去到今日嘅地步，甚至乎坐硬（監）都唔定，如果知道有今日，會唔會做我以前嘅嘢呢？」繼而即有肯定答案：「我諗我都係唔會變，我都係會行返呢條路」，「就算𠵱家瞓喺地下、將來瞓喺監獄，whatever，我都係會揀呢條路」，形容是「性格問題」，「性格決定咗我嘅命運，咁我接受我嘅命運，等如我接受上帝嘅祝福一樣，我以後唔使驚；係咪要重新考慮？我從來冇諗呢樣嘢，使唔使腳軟呀？我從來冇考慮過！」
黎智英之後再接受專訪，坦言性格較為樂觀，認為被政權以國安法拘捕的一天「遲早會嚟，但冇諗到咁快」，被捕的早上當時在家面對國安部門警察上門仍處之泰然面對，「當時諗法係，嚟就嚟啦，煮到嚟就食啦！」又直言沒有擔心自己會直接「被送中」。
由被捕、扣查到暫時獲釋，他明言之後會如常生活，惟亦承認「唔會好似以前咁勇」、「講嘢會小心啲」；他又再談及羈留室內令他感悟的一夜，指自己初來香港時生活很窮，睡覺環境比起來更差，而這夜反思令他確定自己絕無後悔，「就算呢刻瞓地下，將來瞓監獄，或者之後我所遇到嘅命運，都唔會有懷疑，我信念大咗，如果呢個係天主畀我嘅命運，無論咩嚟到都欣然接受，都要感恩。」
「我哋唔可以去到太激烈，一激烈就冇長期，做事謹慎少少、創意少少，甚至化整為零多啲，越和平就越能夠堅持。」
黎智英又形容，香港現時有一種同舟共濟感覺，大家互相依靠、團結和關心，一同維繫家園，「香港人去到呢步好感動，香港人好熱心，好有決心」，但與此同時，國安法帶來恐嚇同時存在，「但我哋都冇得擔心，國安法冇紅線畀你，隨時可以檢控你」，故寄語現時是場長期鬥爭，「我哋唔可以去到太激烈，一激烈就冇長期，做事謹慎少少、創意少少，甚至化整為零多啲，越和平就越能夠堅持，時間喺我哋呢邊，唔需要好激烈咁同佢哋『攬炒』。」