【本報訊】壹傳媒創辦人黎智英及多名高層被捕事件震驚國際，市民以實際行動買報紙以示支持，反對滅聲，有網上訂戶昨早仍到報檔買份報紙，直言「撐蘋果撐到底」，更批評警方當日胡亂搜查行為「無賴無知」，「香港人需要唔同聲音」。
報販︰我哋生意會好啲
昨晨上班時間，記者在灣仔區報檔發現《蘋果日報》連續兩天熱賣，報販李小姐表示，前日《蘋果》擺600份瞬間售罄，是從未試過的紀錄，「未試過賣得咁快，有啲人十份十份咁買，噚日啲客真係好有熱誠，平時唔睇開報紙，都會行埋嚟買一份，覺得佢係支持《蘋果》。」她認為即使1,000份都可以賣得出，希望越來越多人支持《蘋果》，「咁我哋生意亦會好啲。」
劉小姐稱已在網上訂閱，仍專程買實體《蘋果》，認為周一警方搜捕行動「非常之冇理由，唔應該咁樣去搜一個傳媒機構，仲要無賴到揭吓人哋啲嘢先知係咪新聞材料，冇一個法律理據去做呢件事」。
林先生斥警方行動「離晒譜」，「香港人需要唔同聲音，就算你唔同意《蘋果》嘅報道方式，但唔可以禁止人家嘛，違反新聞自由，基本上個人自由、基本人權都冇咗。」