【本報訊】警方今次拘捕壹傳媒創辦人黎智英行動中，同時拘捕壹傳媒四名高層，並出動逾200警員搜查及封鎖蘋果日報大樓。黎前晚獲准保釋，昨日已返回蘋果日報大樓，並向員工發表講話，他直言對員工支持十分感動，更特別提及要對受牽連被捕的壹傳媒營運總裁、財務總裁周達權更多支持，希望員工不要感到害怕，「如果你驚就中咗佢計。」
「如果你驚就中咗佢計」
黎智英昨與壹傳媒行政總裁、《蘋果日報》社長張劍虹及周達權一起向員工發表講話，黎更特別提及「要畀Royston（周達權）更多支持」，因他始終不是傳媒人，「佢唔係好似我哋咁樣面對咁多傳媒嘅人」，在場員工及記者即報以掌聲及高呼「辛苦晒」為周打氣。黎接着說要對周太太講對不起，「同你太太講，對唔住囉，等到你咁驚」，並拍周膊頭叫他「唔使驚。」
黎智英又對市民及員工支持《蘋果日報》相當感動，「咁多年嚟做嘅嘢，真係冇白費」，又希望員工不要因為大批警員闖入大樓而感到害怕，「如果你驚就中咗佢計」。
黎智英接受本報記者專訪時更進一步分析，警方以逾200警力高調搜查《蘋果》，目的就是要震懾員工，「搞到喺度做嘢嘅人，好似永遠都受監控，製造啲陰影喺度，可以講係心理暴力打壓」，希望員工不要害怕警方施壓。